اسلام آباد: (دنیا نیوز) بالا کوٹ، شوگران، ناران اور گردونواح میں پانچویں روز بھی وقفے وقفے سے برفباری کا سلسلہ جاری ہے جس سے متعدد رابطہ سڑکیں بند ہوگئیں۔
بالاکوٹ اور ملحقہ وادیوں میں 5 روز سے جاری برف باری کا سلسلہ جاری ہے، شوگران میں اب تک دو فٹ اور ناران میں چار فٹ برف ریکارڈ کی گئی ہے، برف باری کے باعث جھیل سیف الملوک لولوسر کی تمام رابطہ سڑکیں مکمل بند ہوگئی ہیں، شوگران سے سری پایہ جانے والا ٹریک بھی برف باری کی وجہ سے بند ہے۔
