بہاولپور: (دنیا نیوز) بہاولپور کے قریب خیرپور ٹامیوالی روڈ پر کار درخت سے ٹکرا گئی، حادثے میں 3 افراد جاں بحق، ایک شخص زخمی ہوا۔ حادثہ تیز رفتاری کے باعث پیش آیا۔
بہاولپور کے نواحی علاقہ خیر پور ٹامیوالی میں تیز رفتار کار بے قابو ہو کر درخت سے ٹکرا گئی جس کے نتیجہ میں خاتون سمیت 3 افراد موقع پر جاں بحق ہو گئے جبکہ 1 زخمی کو مقامی ہسپتال منتقل کر دیا گیا۔
افسوسناک حادثہ کھنڈ موڑ کے قریب اسوقت پیش آیا جب چشتیاں سے بہاولپور جانے والی تیز رفتار کار بے قابو ہو کر درخت سے جا ٹکرائی۔ پولیس نے موقع پر پہنچ کر شواہد اکٹھے کئے۔
