اسلام آباد: (دنیا نیوز) پاکستان تحریکِ انصاف کے چیئرمین عمران خان نے خواجہ آصف کی نااہلی پر تبصرہ کرتے ہوئے کہا ہے کہ شوکت خانم ہسپتال کو نشانہ بنانے والا آج پوری دنیا میں رسوا ہو رہا ہے۔
چیئرمین پی ٹی آئی عمران خان نے وزیرِ خارجہ خواجہ آصف کی نااہلی پر ردعمل دیتے ہوئے کہا ہے کہ گارڈ فادر کا ایک اور درباری رنگے ہاتھوں پکڑا گیا ہے۔
Another darbari of the Godfather disqualified on the same pattern - using iqama to shield corruption & indulge in money laundering - as well as being guilty of brazen conflict of interest. Allah Al Haq hai - Kh Asif targeted SKMTH & has been publicly humiliated here & abroad
— Imran Khan (@ImranKhanPTI) April 26, 2018
سماجی رابطوں کی ویب سائٹ ٹویٹر پر جاری اپنے بیان میں عمران خان نے لکھا کہ گاڈ فادر کا ایک اور درباری اقمے کی آڑ میں کرپشن، منی لانڈرنگ اور مفادات کے تصادم کے اصولوں کی صریحاً خلاف ورزی چھپاتے ہوئے رنگے ہاتھوں پکڑا گیا اور نااہل ہوا۔
عمران خان نے لکھا کہ اللہ الحق ہے۔ خواجہ آصف نے شوکت خانم کو نشانہ بنایا اور نتیجتاً آج پوری دنیا میں خود سرعام رسوا ہو رہا ہے۔
