کوئٹہ: (دنیا نیوز) بلوچستان میں پولیو کا ایک اور کیس سامنے آ گیا، ضلعی پشین کی رہائشی 24 ماہ کی بچی میں پولیو وائرس کی تصدیق ہو گئی ہے۔
محکمہ صحت حکام کے مطابق ضلع پشین میں پولیو کے نئے کیس کی تصدیق ہو گئی ہے۔ 24 ماہ کی بچی جو پشین ٹاون کی رہائشی ہے۔ بچی کے پولیو کے سیمپل پچھلے ماہ لیے گئے تھے۔
بچی کی ٹیسٹ رپورٹ آنے پر پولیو وائرس کی موجودگی کی تصدیق ہوئی۔ رواں سال بلوچستان میں پولیو کے کیسز کی تعداد 12 ہو گئی ہے۔
