دبئی: (ویب ڈیسک) بھارت کی معروف اداکارہ راکھی ساونت نے اعلان کیا ہے کہ وہ ذاتی خرچ سے 20 افراد کو عمرے کی سعادت حاصل کرنے کے لیے بھیج رہی ہیں۔
بالی ووڈ اداکارہ راکھی ساونت نے اپنے ویڈیو پیغام میں بتایا کہ وہ 10 پاکستانی اور 10 بھارتی شہریوں کو عمرے پر بھیج رہی ہیں، انہوں نے مزید کہا کہ وہ ہر سال اپنی آمدنی کا ایک مخصوص حصہ جنوبی ایشیا میں انسانی فلاح و بہبود کے کاموں کے لئے وقف کریں گی، چاہے ان کا تعلق کسی بھی مذہب یا پس منظر سے ہو۔
بھارتی اداکارہ راکھی ساونت اس وقت دبئی میں مقیم ہیں اور وہیں سے منتخب افراد کو عمرے پر روانہ کر رہی ہیں، اس موقع پر انہوں نے عمرے پر جانے والوں میں کھانا اور احرام بھی تقسیم کئے۔
راکھی ساونت نے اپنے ویڈیو پیغام میں کہا کہ یہ پہلی بار ہے کہ میں ان لوگوں کو عمرے پر بھیج رہی ہوں اس لئے تھوڑی نروس بھی ہوں، بس اللہ میرے اس نیک کام کو قبول فرمائے۔
