لاہور: (ویب ڈیسک) پاکستان و بھارت میں مقبول اداکارہ ہانیہ عامر اور بھارتی اداکار و گلوکار دلجیت دوسانجھ کی ایک ساتھ فلم کی خبریں سوشل میڈیا پر زیرِ گردش ہیں۔
ڈمپل کوئین ہانیہ عامر کی لندن کنسرٹ میں سپرسٹاردلجیت دوسانجھ کے سٹیج پر مدعو کرنے کی ویڈیو کے خوب چرچے ہوئے تھے، اب بھارتی میڈیا پر دونوں سٹارز کی فلم کاسٹنگ کی خبروں نے سب کی توجہ سمیٹ لی ہے۔
پاکستان کے ایک ڈیجیٹل پلیٹ فارم سے ہانیہ عامر اور دلجیت دوسانجھ کی فلم سے متعلق ایک پوسٹ انسٹا گرام پر وائرل ہو رہی ہے، کیپشن میں لکھا گیا ہے کہ ہانیہ عامر اور دلجیت دوسانجھ کی بالی ووڈ میں روم کوم فلم کے بارے میں قیاس آرائیاں کی جا رہی ہیں۔
اگرچہ اس منصوبے سے متعلق ابھی تک کوئی تصدیق نہیں ہوئی لیکن اطلاعات ہیں کہ دونوں اداکار ایک رومانوی کامیڈی فلم میں کام کرنے پرغورکر رہے ہیں۔
