دبئی: (دنیا نیوز) چیمپئنز ٹرافی کے ہائی وولٹیج ٹاکرے میں آج پاکستان کا روایتی حریف بھارت سے جوڑ پڑے گا، بھارت سے مقابلے کیلئے قومی پلیئنگ الیون کے ممکنہ نام سامنے آگئے۔
ذرائع کے مطابق بھارت سے میچ کے حوالے سے پاکستان کے 11 کھلاڑیوں کے لیے ٹیم مینجمنٹ کی اہم بیٹھک ہوئی جس میں فیصلہ کیا گیا کہ پاکستان ٹیم تین فاسٹ باؤلرز اور ایک اسپنر کے ساتھ میدان میں اترے گی۔
ذرائع کا بتانا ہے کہ میٹنگ میں فیصلہ ہوا کہ بابر اعظم بھارت کے خلاف اننگز کا آغاز کریں گے جبکہ امام الحق کو بھی ٹیم میں شامل کرنےکا فیصلہ کیا گیا ہے۔
ممکنہ گیارہ رکنی ٹیم میں بابر اعظم، امام الحق، سعود شکیل، محمد رضوان، آغا سلمان شامل ہوں گے جبکہ طیب طاہر، خوشدل شاہ، ابرار احمد، نسیم شاہ، شاہین آفریدی اور حارث رؤف بھی پلیئنگ الیون کا حصہ ہوں گے۔
