دبئی :(دنیا نیوز) انڈر 19 ایشیا کپ میں شاہینوں نے شاندارآغاز کرکے پہلے میچ میں بھارتی سورماؤں کو دھول چٹا دی
دبئی میں کھیلے گئے میچ میں پاکستان نے ٹاس جیت کر پہلے بیٹنگ کا فیصلہ کیا، اوپنرز عثمان خان اور شاہ زیب خان کی پہلی وکٹ پر 160 رنز کی شراکت قائم کی۔
شاہ زیب نے159رنز کی شاندار اور جارحانہ اننگز کھیلی، دس چھکے، پانچ چوکے لگائے، عثمان خان نے 60 رنز سکور کیے۔
میچ میں پاکستان نے مقررہ 50 اوورز میں 7 وکٹوں کے نقصان پر 281 رنز بنائے۔
.jpg)
282 رنز ہدف کے تعاقب میں بھارتی ٹیم 47.1 اوورزمیں 238رنز پر ڈھیر ہو گئی اور بھارت کو 43 رنز سے شکست کا سامنا کرنا پڑا، بھارت انڈر19 کے نکھل کمار 67 اور محمد عنان نے 30 رنز بنا کر نمایاں رہے۔
پاکستان کے علی رضا نے36رنز دے کر تین وکٹیں حاصل کیں، عبدالسبحان اور فہم الحق نے دو، دو کھلاڑیوں کو آؤٹ کیا، نوید احمد اور عثمان خان نے ایک، ایک وکٹ لی۔
