لاہور: (ویب ڈیسک) پاکستان کرکٹ ٹیم کی ٹی 20 سیریز میں افغانستان کے ہاتھوں شکست پر قومی ٹیم کے ہیڈ کوچ کے امیدوار مکی آرتھر نے مینجمنٹ کو مشورہ دے دیا۔
سماجی رابطوں کی ویب سائٹ ٹوئٹر پر جاری بیان میں مکی آرتھر نے نوجوان کھلاڑیوں کو تجربہ کار کرکٹرز کے ساتھ گروم کرنے کا مشورہ دے دیا۔
Saim,Abdullah and Haris have loads of talent but finding out that International cricket brings different pressures and responsibilities to Franchise cricket....groom them,give them time and allow them opportunities to bat with experienced players and they will come through!
— Mickey Arthur (@Mickeyarthurcr1) March 26, 2023
مکی آرتھر نے کہا کہ صائم ایوب، عبداللہ شفیق اور محمد حارث میں بہت ٹیلنٹ ہے، فرنچائز کرکٹ کے مقابلے میں انٹرنیشنل کرکٹ کا پریشر اور ذمہ داریاں مختلف ہیں۔
سابق کوچ کا کہنا تھا کہ نوجوان کھلاڑیوں کو گروم کریں انہیں وقت دیں اور تجربہ کھلاڑیوں کے ساتھ کھیلنے کا موقع دیں، اس طرح یہ کرکٹرز بہتر ہو ں گے۔
