لاہور:(ویب ڈیسک) ٹی 20 ورلڈ کپ میں بھارت اور بنگلا دیش کا سنسنی خیز میچ کھیلا گیا اور بارش کے باعث گیلی آؤٹ فیلڈ ہونے کے باوجود میچ شروع کروانے پر امپائرز کو سوشل میڈیا صارفین کی جانب سے شدید تنقید کا نشانہ بنایا جارہا ہے۔
ہوا کچھ یوں کہ بھارت نے 185 کا ہدف دیا اور بنگلا دیش نے لٹن داس کی 21 گیندوں پر نصف سنچری کی بدولت تعاقب کا شاندار آغاز کیا، بارش نے بنگلا دیش کے ہدف کے تعاقب میں اس وقت خلل ڈالا جب وہ 7 اوورز بغیر کسی نقصان کے 66 رنز بناچکے تھے۔
— Hassan Cheema (@Gotoxytop1) November 2, 2022
وقفے کے بعد کور آف ہو گئے اور ہدف 16 اوورز میں 151 رنز کر دیا گیا۔
تاہم بنگلا دیش کے کپتان شکیب الحسن امپائرز کے ساتھ بحث کرتے نظر آئے اور آؤٹ فیلڈ گیلی دکھائی دی، کھیل دوبارہ شروع ہونے کے بعد لٹن بھی پہلی ہی گیند پر پھسل گئے اور رن آؤٹ ہوگئے۔
— Usama Zafar (@Usama7) November 2, 2022
دریں اثنا سوشل میڈیا صارفین نے امپائرز پر بھارت کی حمایت کرنے کا الزام لگایا کیونکہ بنگلا دیش پہلے ہی ڈی ایل ایس طریقہ سے 17 رنز آگے تھا جس سے انہیں ایک جیت اور دو اہم پوائنٹ ملنے کی توقع تھی۔
— (@gayomarlic) November 2, 2022
اس کے بعد ٹوئٹر پر امپائرز ٹاپ ٹرینڈ بن گیا اور سوشل میڈیا صارفین کی جانب سے تنقید کرتے ہوئے کہا گیا کہ بی سی سی آئی کا عالمی کرکٹ میں غلبہ ہے، بھارت کو ایک بار پھر امپائروں کی حمایت حاصل رہی کیونکہ میچ جلد دوبارہ شروع نہیں ہونا چاہیے تھا۔
— Avinash Aryan (@AvinashArya09) November 2, 2022
خیال رہے کہ اس سے قبل پاکستان کے خلاف بھارت کے میچ میں امپائرز کی جانب سے متنازع نو بال دی گئی تھی جس کے بعد سوشل میڈیا صارفین کی جانب سے امپائرز کو آڑے ہاتھوں لیا گیا تھا۔
