ابوظہبی: (ویب ڈیسک) پی ایس ایل 6 میں ملتان سلطانز نے پشاور زلمی کو باآسانی 8 وکٹوں سے شکست دے دی۔
پاکستان سپر لیگ 6 کے 21 ویں میچ میں ملتان سلطانز نے پشاور زلمی کے خلاف ٹاس جیت کر فیلڈنگ کا فیصلہ کیا۔ پشاور زلمی نے شیرفین کی نصف سنچری کی بدولت مقررہ 20 اوورز میں 7 وکٹوں کے نقصان پر 166 رنز بنائے اور سلطانز کو جیت کے لیے 167 کا ہدف دیا۔
پشاور زلمی کی جانب سے شیرفین سب سے زیادہ 56 رنز بنا کر نمایاں بلے باز رہے جبکہ کامران اکمل 35، حیدر علی 28، ڈیوڈ ملر 22 رنز بنا سکے۔ زلمی کے تین کھلاڑی ڈبل ہندسے میں داخل نہ ہوئے۔ ملتان سلطانز کی جانب سے شاہ نواز دھانی 4 وکٹیں لے کر نمایاں بولر رہے جبکہ بلیسنگ موزارابانی صرف ایک وکٹ ہی حاصل کرسکے۔
ملتان سلطانز نے 167 رنز کا ہدف 17 ویں اوور میں صرف 2 وکٹ پر حاصل کر لیا جب کہ کپتان رضوان 82 رنز بناکر ناٹ آؤٹ رہے۔ صہیب مقصود نے 61 رنز کی جارحانہ اننگز کھیلی۔
یاد رہے پوائنٹس ٹیبل پر پشاور زلمی 7 پوائنٹس کے ساتھ تیسرے اور ملتان سلطان دو میچز جیت کر 6 پوائنٹس کے ساتھ پانچویں پوزیشن پر ہے۔
