لاہور: (ویب ڈیسک) قومی کرکٹ ٹیم کے آل راؤنڈر شاداب خان کا کہنا ہے کہ سری لنکا کے خلاف سیریز کے دوران میچ فیس اپنے زلزلہ متاثرین بہن بھائیوں کو دوں گا۔
یاد رہے کہ پاکستان سمیت آزاد کشمیر میں زلزلے کے بعد ہر کوئی بڑھ چڑھ کر امدادی کارروائیوں میں حصہ لینے کے لیے بے تاب ہیں جس کا اظہار آج چیئر مین نیشنل ڈیزاسٹر مینجمنٹ اتھارٹی (این ڈی ایم اے) لیفٹیننٹ جنرل محمد افضل نے بھی کیا، پریس کانفرنس کے دوران ان کا کہنا تھا کہ غیر ملکی سفیروں سمیت پاکستانیوں کی بڑی تعداد زلزلے متاثرین کی مدد کرنا چاہتی ہے لیکن ابھی ہمیں کسی امداد کی ضرورت نہیں جب ہو گی ہم سب کو آگاہ کریں گے اسی پر عمل کرتے ہوئے شاداب خان کا کہنا ہے کہ سری لنکا کے خلاف سیریز کے دوران ملنے والی میچ فیس زلزلہ متاثرین کو دوں گا۔
یہ بھی پڑھیں: زلزلے سے تباہی، آزاد کشمیر میں جاں بحق افراد کی تعداد 37 ہوگئی
سوشل میڈیا کی ویب سائٹ ٹویٹر پر ٹویٹ کرتے ہوئے ان کا کہنا تھا کہ آئیں کوشش کریں اپنے بہن بھائیوں کی مدد کریں جن کو اس وقت بہت سخت ضرورت ہے۔
It will be honour to represent my beloved Pakistan in an ODI for the first time on home soil. First ODI in Pakistan since 2009. Come support the team. I encourage everyone to join the pledge in helping ppl affected by the earthquake. We can all play our part. #PakistanZindabad
— Shadab Khan (@76Shadabkhan) September 25, 2019
ایک اور ٹویٹ میں آل راؤنڈر کا کہنا تھا کہ میں اپنے پیارے وطن پاکستان میں پہلی بار انٹرنیشنل کرکٹ کھیلوں گا جو میرے لیے فخریہ لمحہ ہے، 2009ء کے بعد یہ پہلا ون ڈے میچ ہے۔ عوام آئیں اور قومی ٹیم کو سپورٹ کریں۔
شاداب خان کا کہنا تھا کہ میں سب کی حوصلہ افزائی کرتا ہوں آئیں اور زلزلہ متاثرین سے متاثر ہونے والوں لوگوں کی مدد کریں، ہم سب اپنا اپنا کردار ادا کر سکتے ہیں۔
ایک اور ٹویٹ میں ان کا کہنا تھا کہ میں نوجوانوں کو بتا رہا ہوں کہ کیرم کیسے کھیلتے ہیں، سری لنکا کے خلاف ون ڈے سیریز سے قبل آرام کرتے ہوئے، اپنے ملک میں کرکٹ کھیلنے کی بہت خوشی محسوس کر رہا ہوں۔
Showing the youngsters how to play carrom.
— Shadab Khan (@76Shadabkhan) September 25, 2019
Relaxing before the first game against @OfficialSLC.
I have never had honor of playing one day game for @TheRealPCB at home. Very excited!#cricketcomeshome pic.twitter.com/J3CiDjvOu4
دوسری طرف شاداب خان اور فہیم اشرف کے درمیان سوشل میڈیا پر دلچسپ مکالمہ دیکھنے کو ملا۔ ٹی 20 کرکٹ میں بولرز کی نئی رینکنگ میں فہیم اشرف دسویں پوزیشن پر ہیں جبکہ شاداب کا تیسرا نمبر ہے۔
Koi nai veer ji apni b googly gir rai hai jaga pe :) 1 number pe nazar hai apni :) abhi bara door hai mera bhai mehnat kar mehnat https://t.co/JpAIY2GeqH
— Shadab Khan (@76Shadabkhan) September 25, 2019
رینکنگ جاری ہونے کے بعد فہیم اشرف نے آئی سی سی کی ٹویٹ کو ہی آگے بڑھاتے ہوئے شاداب کو مخاطب کیا اور پنجابی میں لکھا کہ ’بھائی میں تمہارے پیچھے آرہا ہوں‘۔ بچ کے رہنا میرے فارم لگی ہوئی ہے۔۔۔تیرے بھائی کی گیندیں بہت تیز ہو رہی ہیں۔
اس پر شاداب خان بھی چپ نہیں رہے اور انہیں جواب دیا کہ کوئی نہیں ویر جی (بھائی جی) اپنی بھی گوگلی جگہ پر ہو رہی، ایک نمبر پر نظر ہے اپنی۔ ابھی بڑا دور ہے میرا بھائی محنت کرو محنت۔
