کراچی: (دنیا نیوز) پاکستان سٹاک ایکسچینج میں آج میں کاروبار کا مثبت زون میں آغاز ہوا ہے۔
کاروباری ہفتے کے تیسرے روز سٹاک مارکیٹ میں کاروبار کے آغاز پر تیزی دیکھنے میں آئی، 900 سے زائد پوائنٹس کے اضافے کے ساتھ پاکستان سٹاک ایکسچینج میں ہنڈرڈ انڈیکس ایک لاکھ 14 ہزار 029 پوائنٹس کی حد کو چھو گیا۔
واضح رہے کہ گزشتہ کاروباری دن کے اختتام پر سٹاک مارکیٹ میں ہنڈرڈ انڈیکس 1344 پوائنٹس کے اضافے کے ساتھ ایک لاکھ 13 ہزار 88 پوائنٹس کی سطح پر بند ہوا تھا۔
دوسری جانب انٹر بینک میں ڈالر 3 پیسے مہنگا ہوا ہے جس کے ساتھ انٹر بینک میں ڈالر 279 روپے 27 پیسے سے بڑھ کر 279 روپے 30 پیسے پر آگیا ہے۔
