کراچی: (دنیا نیوز) پاکستان سٹاک ایکسچینج میں آج کاروبار کا مثبت رجحان رہا جس کے باعث سرمایہ کاروں کو اربوں کا فائدہ ہوگیا۔
کاروباری ہفتے کے دوسرے روز کاروبار کے آغاز پر سٹاک مارکیٹ میں آج مثبت رجحان دیکھنے میں آیا، کاروباری روز کے اختتام پر 1344 پوائنٹس کے اضافے کے ساتھ ہنڈرڈ انڈیکس ایک لاکھ 13 ہزار 88 پوائنٹس کی حد پر بند ہوا۔
واضح رہے کہ گزشتہ کاروباری دن کے اختتام پر 341 پوائنٹس کی کمی کے ساتھ سٹاک ایکسچینج میں ہنڈرڈ انڈیکس ایک لاکھ 11 ہزار 743 پوائنٹس کی سطح پر بند ہوا تھا۔
سٹاک مارکیٹ میں آج 15 ارب 7 کروڑ 52 لاکھ 18 ہزار 15 روپے مالیت کے 34 کروڑ 85 لاکھ 3 ہزار 860 شیئرز کا لین دین ہوا۔
