لاہور: (دنیا نیوز) حکومت نے نجی میڈیکل کالجوں کی ٹیوشن فیس کے لیے حد مقرر کرنے کا اعلان کر دیا۔
نجی میڈیکل اور ڈینٹل کالجوں کے لیے سالانہ ٹیوشن فیس 18 لاکھ روپے مقرر کر دی گئی، ایم بی بی ایس اور بی ڈی ایس پروگرامز کے لیے فیس مقرر کی گئی ہے۔
وزیر اعظم پاکستان کی ہدایت پر تشکیل دی گئی کمیٹی برائے میڈیکل ایجوکیشن ریفارمز نے یہ اہم فیصلہ کیا۔
فیصلے کے مطابق سالانہ فیس میں اضافہ صارف قیمت اشاریہ بنیاد پر کیا جائے گا، ایم بی بی ایس کے لیے یہ فیس پانچ سال اور بی ڈی ایس کے لیے چار سال تک لاگو ہوگی۔
فیس ڈھانچے کا عوامی سطح پر اعلان کیا جائے گا، ادارے جو اپنی مالی ضروریات کے پیش نظر زیادہ سے زیادہ 25 لاکھ روپے تک کی فیس مقرر کرنا چاہتے ہیں، انہیں تفصیلی مالیاتی جواز پیش کرنا ہوگا۔
