ٹیکساس: (ویب ڈیسک) ٹیسلا کے سی ای او، امریکا کے محکمہ برائے حکومتی کارکردگی کے رکن ایلون مسک اور امریکی وزیرخارجہ مارکو روبیو کےدرمیان اختلافات شدت اختیار کر گئے۔
رپورٹ کے مطابق کابینہ اجلاس میں صدر ٹرمپ کی موجودگی میں ایلون مسک نے مارکو روبیو پر کڑی تنقید کی۔
ایلون مسک نے مارکو روبیو پر تنقید کرتے ہوئے کہا کہ آپ سٹاف کم کرنے میں ناکام رہے ہیں، آپ نے میرے شعبہ ڈوج کے ایک اہلکار کے سوا کسی کو نہیں نکالا۔
جس پر امریکی وزیرخارجہ روبیو نے جواب دیا کہ مسک سچ نہیں بول رہے، محکمہ خارجہ کے 1500 ملازمین نے قبل ازوقت ریٹائرمنٹ لی ہے اور پھر انہوں نے طنز کیا کہ کیا انہیں واپس بلا کرنوکری سے نکال کر دکھاؤں۔
تاہم صدر ٹرمپ کی بروقت مداخلت کام کر گئی اور انہوں نے کہا کہ سٹاف رکھنے سے متعلق حتمی اختیار مسک نہیں وزراء کا ہے، مسک کا ڈوج ادارہ صرف ایڈوائزری کردار ادا کرے گا جس پر ایلون مسک صدر ڈونلڈ ٹرمپ کی اس بات پر مطمئن ہو گئے۔
