دمشق: (ویب ڈیسک) سعودی عرب کے وزیر خارجہ شہزادہ فیصل بن شام کے دارالحکومت دمشق پہنچ گئے، شامی صدر بشارالاسد سے ملاقات کی ہے۔
سعودی وزارتِ خارجہ نے ایک بیان میں کہا ہے کہ شہزادہ فیصل کا دورہ شام کے بحران کے سیاسی حل تک پہنچنے کی سعودی عرب کی خواہش اور دلچسپی کے دائرے میں آتا ہے۔
سعودی عرب شام کے بحران کے ایسے حل کا حامی ہے جو اس کے اتحاد، سلامتی، استحکام اور اس کی عرب شناخت کو برقرار رکھے اور اسے اس کے عرب ماحول میں اس طرح بحال کرے جس سے اس کے برادرعوام کی فلاح وبہبود میں مدد ملے۔
#VIDEO: #Saudi foreign minister Prince @FaisalbinFarhan holds talks with #Syria’s Bashar Al-Assad in Damascus — https://t.co/ZxMaGYaU7A pic.twitter.com/BB1ukuPNwN
— Saudi Gazette (@Saudi_Gazette) April 18, 2023
بیان میں مزید کہا گیا ہے کہ شہزادہ فیصل کا ایئرپورٹ پراستقبال وزیرایوان صدر منصور عزام نے کیا، وہ یہ دورہ شامی وزیرخارجہ ڈاکٹر فیصل المقداد کے سعودی عرب کے دورے کے چند روز بعد کررہے ہیں۔
