برسلز: (دنیا نیوز) نیٹو نے یوکرین کو مزید ہتھیار فراہم کرنے اور روسی حملوں سے تباہ ہونے والے توانائی کے بنیادی ڈھانچوں کو ٹھیک کرنے کا اعلان کیا ہے۔
بخارسٹ میں ایک سربراہی اجلاس میں نیٹو کے سیکرٹری جنرل جینز اسٹولٹن برگ نے ماسکو پر الزام لگایا کہ وہ موسم سرما کو جنگ کے ہتھیار کے طور پر استعمال کرنے کی کوشش کر رہا ہے، روسی حملوں نے لاکھوں یوکرینی باشندوں کو منجمد درجہ حرارت میں بجلی اور بہتے پانی سے محروم کر دیا ہے۔
جینز اسٹولٹن برگ نے کہا کہ یوکرین ایک نہ ایک روز نیٹو اتحاد میں ضرور شامل ہوگا، اسی عمل کو روکنے کیلئے روس نے یوکرین پر حملہ کیا۔
