لندن: (ویب ڈیسک) وزیراعظم کی سابق اہلیہ جمائمہ گولڈ اسمتھ نے ڈونلڈ ٹرمپ کی نقل اتارنے والے ایک شخص کی مزاحیہ ویڈیو شیئر کرتے ہوئے ٹرمپ کا مذاق بنایا۔
تفصیلات کے مطابق امریکی انتخابات میں ڈیموکریٹک امیدوار جوبائیڈن کو واضح برتری حاصل ہونے کے بعد امریکی صدر ڈونلڈ ٹرمپ نے دھاندلی کا الزام لگاتے ہوئے کہا ہےکہ اگر قانونی طور پر دیکھا جائے تو وہ جیت گئے ہیں۔
امریکی صدر ٹرمپ بضد ہیں کہ وہ انتخابات میں کامیاب ہوگئے ہیں، ٹرمپ کی ضد کو دیکھتے ہوئے جمائمہ نے ان کا مذاق بنایا اور ایک ویڈیو شیئر کی۔
دوسری طرف وزیرعاظم عمران خان کی سابقہ اہلیہ جمائمہ نے سماجی رابطے کی ویب سائٹ ٹویٹر اکاؤنٹ پر مزاحیہ ویڈیو شیئر کی ہے جس میں ایک شخص ٹرمپ کی نقل اتار رہا ہے۔
Tonight at The White House... pic.twitter.com/IN1P2HQv5B
— Jemima Goldsmith (@Jemima_Khan) November 5, 2020
ویڈیو میں دیکھا جا سکتا ہے کہ ٹرمپ کی نقل اتارنے والا شخص وائٹ ہاؤس سے جانے کا سن کر زمین پر لوٹ پوٹ ہو رہا ہے اور کہہ رہا ہے کہ ’میں نہیں جاؤں گا‘۔ اس ویڈیو کے کیپشن میں اہلیہ جمائمہ گولڈ اسمتھ نے لکھا کہ ’آج رات وائٹ ہاؤس‘۔
