میکسیکو سٹی : (ویب ڈیسک)میکسیکو کے صدر اینڈریس مینوئل نے اپنی ٹویٹ میں درخت پر موجود جن کی تصویر شیئر کر دی ۔
سماجی روابط کی ویب سائٹ پر صدر کے اس اقدام پر طنز کی ایک مہم شروع کر دی گئی ، اس تصویر پر دنیا بھر میں بڑے پیمانے پر تنقید کی گئی،اس معاملہ کی بازگشت تمام بین الاقوامی میڈیا تک پہنچ گئی۔
میکسیکو کے صدر نے اپنے ٹوئٹر اکاؤنٹ پر پوسٹ کی گئی دو تصاویر کے ذریعے اپنے فالوورز کو حیران کر دیا، پہلی تصویر میں دکھایا گیا کہ رات کے وقت درخت کی شاخ پر ایک جن بیٹھا ہے۔
Les comparto dos fotos de nuestra supervisión a las obras del Tren Maya: una, tomada por un ingeniero hace tres días, al parecer de un aluxe; otra, de Diego Prieto de una espléndida escultura prehispánica en Ek Balam. Todo es místico. pic.twitter.com/Tr5OP2EqmU
— Andrés Manuel (@lopezobrador_) February 25, 2023
دوسری تصویر پر انہوں نے لکھا کہ ڈیاگو پریٹو نے ایک بالم میں پری ہسپانوی دور کے ایک شاندار مجسمے کی تصویر کھینچی ہے۔
ان کے اس ٹویٹ پر طنزیہ تبصرے سامنے آنے شروع ہو گئے،ایک صارف نے تبصرہ کیا کہ الکس مخلوق کے افسانے بھی آپ کی کامیابیوں کی طرح حقیقی ہیں، دوسرے صارف نے لکھا کہ میں نے پہلے سوچا کہ یہ ایک طنزیہ اکاؤنٹ ہے ۔
متنازعہ تصویر میں یہ دکھایا گیا تھا کہ ایک عجیب و غریب مخلوق درخت کی شاخ پر ہے جس کی آنکھیں چمکتی ہوئی دیکھائی دے رہی ہیں۔
