کوئٹہ: (دنیا نیوز) 35 ویں نیشنل گیمز میں شرکت کیلئے بلوچستان کے دستے کی تیاریاں جاری ہیں۔
سیکرٹری کھیل و امور نوجوانان طارق قمر بلوچ کے مطابق نیشنل گیمز میں بلوچستان سے 500 کھلاڑیوں اور آفیشلز پر مشتمل داستہ شرکت کریگا، نیشنل گیمز کیلئے ٹرائلز کوئٹہ میں 13 اپریل تک جا ری رہیں گے۔
انہوں نے کہا کہ نیشنل گیمز کیلئے منتخب ہونے والے کھلاڑیوں کا کیمپ 14 اپریل سے 27 اپریل تک لگایا جائےگا۔
طارق قمر بلوچ کا کہنا تھا کہ 35 ویں نیشنل گیمز کیلئے بلوچستان کا دستہ 28 اپریل کو کراچی روانہ ہوگا، نیشنل گیمز میں ڈسپلن پر کوئی سمجھوتا نہیں کیا جائے گا۔
