لاہور: (دنیا نیوز) کرونا وائرس کے سبب ایشئن ہاکی فیڈریشن نے جونئیر ایشیا کپ ملتوی کر دیا ہے، روایتی حریف پاکستان اور بھارت سمیت دس ملکوں کی ٹیموں کا جون میں شیڈول یہ ایونٹ اب آئندہ سال ہو گا۔
ایشئن ہاکی فیڈریشن کے زیراہتمام جونیئر کپ ڈھاکہ میں چار سے بارہ جون تک کھیلا جانا تھا، ایونٹ میں پاکستان، بنگلہ دیش، بھارت، جاپان، ملائیشیا، جنوبی کوریا، چین، چائنیز تائی پے، اومان اور ازبکستان کی ٹیموں نے شرکت کرنا تھی۔
یہ جونیر ایشیا کپ اگلے سال شیڈول جونئیر ورلڈکپ کا کوالیفائر ایونٹ بھی تھا۔ اس سے پہلے اذلان شاہ ہاکی کپ بھی موخر کر دیا گیا تھا۔
