شکر گڑھ: (دنیا نیوز) رہنما ن لیگ احسن اقبال نے کہا کہ خدانخواستہ اگر پی ٹی آئی کی حکومت بن گئی تو فساد اور انتشار پھیلائے گی۔
رہنما ن لیگ احسن اقبال نے شکر گڑھ میں خطاب کرتے ہوئے کہا کہ پی ٹی آئی اقتدار میں آکر عدلیہ، فوج اور اپوزیشن سے لڑے گی، ہمارا المیہ ہے کہ کامیاب حکومتوں کی ٹانگیں کھینچی گئیں، بانی پی ٹی آئی 4 سال میں اپنا اور قوم کا سر پھوڑ کر اڈیالہ جیل میں بیٹھا ہے۔
رہنما مسلم لیگ نے مزید کہا کہ آج ہر شہری بجلی کے بلوں اور مہنگائی سے پریشان ہے، 2018ء میں مہنگائی کی یہ صورتحال نہیں تھی، بانی پی ٹی آئی کے وزیر شکر کرتے ہیں کہ ان کی حکومت گئی، ورنہ انہیں عوام سے روڑے پڑنے تھے۔
احسن اقبال نے مزید کہا کہ قوم ووٹ کے صحیح استعمال سے ملک بچا سکتی ہے، ن لیگ کی حکومت آئی تو امن، خوشحالی آئے گی۔
