اسلام آباد: (دنیا نیوز) پاکستان تحریک انصاف (پی ٹی آئی) کے چیئرمین نے سائفر کیس مقدمہ کیخلاف سپریم کورٹ سے رجوع کرلیا۔
چیئرمین تحریک انصاف نے وکیل لطیف کھوسہ کے ذریعے سپریم کورٹ میں درخواست دائر کی جس میں سائفر کیس کا مقدمہ خارج کرنے کی استدعا کی گئی ہے۔
درخواست میں وفاقی حکومت ایف آئی اے اور تفتیشی افسر کو فریق بنایا گیا ہے، اسلام آباد ہائیکورٹ نے 27 اکتوبر کو چیئرمین پی ٹی آئی کی درخواست خارج کر دی تھی۔
