کراچی: (دنیا نیوز) حلیم عادل شیخ کی درخواست ضمانت پر پراسیکوٹر نے پولیس فائل کیلئے مہلت مانگ لی۔
سندھ ہائیکورٹ میں پاکستان تحریک انصاف کے رہنما حلیم عادل شیخ کی درخواست ضمانت پر سماعت ہوئی۔
دوران سماعت پراسیکوٹر نے کہا کہ پولیس فائل موجود نہیں ہے تاریخ دے دیں، جس پر وکیل صفائی نے کہا کہ حلیم عادل شیخ کا نام مقدمے میں ہے ہی نہیں، امتیاز شاہ مقدمے میں مرکزی ملزم جاوید اکرم کی ٹرائل کورٹ نے ضمانت بھی دے دی ہے، مرکزی ملزم اس مقدمے سے رہا تک ہوگیا لیکن حلیم عادل شیخ گرفتار ہیں۔
بعدازاں سندھ ہائی کورٹ نے حلیم عادل شیخ کی درخواست ضمانت پر مزید سماعت 16 نومبر تک ملتوی کردی۔
واضح رہے کہ حلیم عادل شیخ کے خلاف مبینہ ٹاؤن تھانے میں مقدمہ درج ہے، حلیم عادل شیخ کو نامعلوم ملزموں میں گرفتار کیا گیا ہے۔
