کراچی: (دنیا نیوز) پاکستان پیپلز پارٹی کے چیئرمین اور سابق وزیر خارجہ بلاول بھٹو زرداری سے مختلف پارٹی رہنماؤں نے ملاقاتیں کی ہیں جن میں ملکی سیاسی صورتحال سمیت اہم امور پر بات چیت کی گئی۔
چیئرمین پیپلز پارٹی سے خورشید شاہ، رضا ربانی، قائم علی شاہ اور اور ناصر شاہ سمیت اہم پارٹی رہنماؤں نے بلاول ہاؤس میں الگ، الگ ملاقاتیں کیں۔
خورشید شاہ
پاکستان پیپلزپارٹی کے چیئرمین بلاول بھٹو زرداری سے پی پی پی رہنما سید خورشید شاہ کی بلاول ہاؤس میں ملاقات ہوئی جس میں ملکی سیاسی صورت حال پر بات چیت کی گئی۔
— PPP (@MediaCellPPP) September 28, 2023
اس موقع پر بلاول بھٹو نے کہا کہ پاکستان پیپلزپارٹی نے ضمنی انتخابات میں نام نہاد مقبولیت کی دعوے دار حریف سیاسی جماعت کو عبرت ناک شکست دی، پاکستان پیپلزپارٹی نے سندھ کے بلدیاتی انتخابات میں پورے صوبے سے کلین سوئپ کیا۔
قائم علی شاہ
پیپلزپارٹی کے چیئرمین بلاول بھٹو زرداری سے بلاول ہاؤس میں سابق وزیراعلیٰ سندھ سید قائم علی شاہ نے ملاقات کی جس میں مجموعی ملکی سیاسی صورت حال پر تبادلہ خیال کیا گیا۔
— PPP (@MediaCellPPP) September 28, 2023
رضا ربانی
پاکستان پیپلزپارٹی کے چیئرمین بلاول بھٹو زرداری سے بلاول ہاؤس میں سینیٹر رضا ربانی نے ملاقات کی، اس موقع پر انہوں نے بلاول بھٹو کو ایوان بالا میں ہونے والی پیش رفت سے آگاہ کیا۔
— PPP (@MediaCellPPP) September 28, 2023
ناصر شاہ
پیپلزپارٹی کے چیئرمین بلاول بھٹو زرداری سے پی پی پی سندھ کے ڈپٹی جنرل سیکرٹری ناصر شاہ نے اپنے صاحبزادوں سید محمد علی شاہ، سید اکبر شاہ اور سید ظہیر حسین شاہ کے ہمراہ ملاقات کی۔
— PPP (@MediaCellPPP) September 28, 2023
اس موقع پر ناصر شاہ نے چیئرمین پیپلز پارٹی کو اپنے صاحبزادے سید اکبر شاہ کے ولیمے کا دعوت نامہ بھی دیا۔
شاہدہ رحمانی
چیئرمین پی پی پی بلاول بھٹو زرداری سے پیپلز پارٹی شعبہ خواتین کراچی ڈویژن کی صدر اور سابق رکن قومی اسمبلی شاہدہ رحمانی کی ملاقات ہوئی جس میں سیاسی و تنظیمی صورت حال پر بات چیت کی گئی۔
— PPP (@MediaCellPPP) September 28, 2023
