مراد راس، فیاض چوہان اور فردوس عاشق استحکام پاکستان پارٹی کے ترجمان مقرر

لاہور: (دنیا نیوز) جہانگیر ترین نے میڈیا پر نمائندگی کیلئے اپنی جماعت استحکام پاکستان پارٹی کے 7 ترجمان مقرر کر دیئے ہیں۔

پیٹرن انچیف استحکام پاکستان پارٹی کی جانب سے اسحاق خاکوانی، نعمان لنگڑیال، سعید اکبر نوانی، ڈاکٹر فردوس عاشق اعوان، فیاض الحسن چوہان، ڈاکٹر مراد راس اور میجر ریٹائرڈ خرم روکھڑی کو میڈیا پر پارٹی کا موقف دینے کیلئے ترجمان مقرر کیا گیا ہے۔

اس سے قبل بھی جہانگیر ترین کی جانب سے استحکام پاکستان پارٹی کے اہم عہدیداروں کا اعلان کیا گیا تھا، عبدالعلیم خان کو استحکام پاکستان پارٹی کا صدر جبکہ عامر کیانی کو پارٹی کا سیکرٹری جنرل مقرر کیا گیا ہے۔

سماجی رابطے کی ویب سائٹ ٹوئٹر پر جہانگیر ترین نے عہدیداروں کا اعلان کرتے ہوئے عون چودھری کو مرکزی ایڈیشنل جنرل سیکرٹری اور پارٹی ترجمان مقرر کیا تھا، عون چودھری جہانگیر ترین کے ترجمان کی ذمہ داریاں بھی نبھائیں گے۔ 

I am pleased to announce Abdul Aleem Khan as the President of Istehkam-e-Pakistan Party. Aamir Mehmood Kiyani as Secretary General. Awn Chaudhary as Additional Secretary General & Spokesperson of the Party as well as of the Patron-in-Chief.
More announcements to follow Inshallah

— Jahangir Khan Tareen (@JahangirKTareen) June 12, 2023