لاہور: (دنیا نیوز) نگران وزیراعلیٰ پنجاب محسن نقوی نے لاہور کے ڈویلپمنٹ پراجیکٹس بروقت مکمل کرنے کی ہدایت کی ہے۔
نگران وزیراعلیٰ پنجاب کے زیر صدارت لاہور کے ڈویلپمنٹ پراجیکٹس پر پیشرفت کا جائزہ لینے سے متعلق اجلاس ہوا، نگران وزیراعلیٰ محسن نقوی نے سمن آباد انڈر پاس پراجیکٹ کو بروقت پایہ تکمیل تک نہ پہنچانے پر اظہار نا پسندیدگی کیا۔
یہ بھی پڑھیں: وزیر اعظم شہباز شریف قومی اسمبلی سے اعتماد کا ووٹ لینے میں کامیاب
محسن نقوی نے داتا دربار پارکنگ پراجیکٹ بروقت آپریشنل کرنے پرمتعلقہ محکموں کو شاباش دی، انہوں نے پی ایچ اے کو لاہور ائیر پورٹ پر رن وے کے سا تھ ساتھ شجرکاری کا ٹاسک دیا۔
وزیر اعلیٰ پنجاب کو لاہور کی 54 سڑکوں کی تعمیر و مرمت اور بحالی کے پراجیکٹ پر بریفنگ دی گئی، بریفنگ میں بتایا گیا کہ لاہور کی سڑکوں کے ساتھ فٹ پاتھ، سائیکل اور بائیکرز ٹریکس بھی بنائے جائیں گے۔
یہ بھی پڑھیں: وزیراعظم پی ٹی آئی سے آج مذاکرات شروع کرنے پر آمادہ
محسن نقوی کو بریفنگ دی گئی کہ شہر خموشاں اتھارٹی کے تحت لاہو رکے 4 ماڈل قبرستان چند ہفتے میں مکمل ہوجائیں گے، صوئے آصل، آصل سلیمانی، بھائی کوٹ رائیونڈ روڈ، آہلو ماڈل قبرستانوں کے لئے 5 بسیں مہیا کی جائیں گی۔
وزیر اعلیٰ کو بتایا گیا کہ ماڈل قبرستانوں کے لئے 3ایمبولینسیں آپریشنز کے لئے 1122 کے سپرد کر دی گئی ہیں، داتا دربار ون وے انٹری کو جلد ا زجلد آپریشنل کرنے کے لئے ضروری اقدامات کئے جا رہے ہیں۔
یہ بھی پڑھیں: عمران خان کیخلاف توشہ خانہ کیس کی سماعت کیلئے نئے جج مقرر
اجلاس میں صوبائی وزیرہاؤسنگ و اوقاف اظفر علی ناصر، ایڈیشنل چیف سیکرٹری داخلہ، سیکرٹریز ہاؤسنگ، فنانس، ٹرانسپورٹ، لوکل گورنمنٹ، سی اینڈ ڈبلیو، اوقاف، سی بی ڈی، رنگ روڈ اتھارٹی، ٹیپا، سول ایوی ایشن اوردیگر متعلقہ محکموں کے اعلیٰ حکام نے شرکت کی، چیف سیکرٹری ویڈیولنک کے ذریعے اجلاس میں شریک ہوئے۔
