اسلام آباد: (دنیا نیوز) سربراہ عوامی مسلم لیگ شیخ رشید احمد نے کہا ہے کہ عمران خان کی جان کو نقصان ہوا تو حکمرانوں کو بھاری قیمت ادا کرنی ہوگی۔
سربراہ عوامی مسلم لیگ شیخ رشید احمد نے سماجی رابطے کی ویب سائٹ ٹوئٹر پر ایک پیغام میں کہا ہے کہ سارا ملک جام ہوچکا ہے،لوگ سڑکوں پر آگئے ہیں، عمران خان کی جان کو نقصان ہوا تو حکمرانوں کو بھاری قیمت ادا کرنی ہوگی۔
انہوں نے کہا سپریم کورٹ کا الیکشن کا فیصلہ آخری ہے،ورنہ دمادم مست قلندر ہوگا، راناثنااللہ کو عمران خان چارپائی کے نیچے نظر آرہا ہے، اپنی چارپائی کے نیچے ڈانگ پھیرلے، وقت تھوڑا ہے اور مقابلہ سخت۔
ساراملک جام ہوچکاہےلوگ سڑکوں پرآگئےہیں عمران خان کی جان کونقصان ہواتوحکمرانوں کو بھاری قیمت اداکرنی ہوگی سپریم کورٹ کےالیکشن کافیصلہ آخری ہےورنہ دمادم مست قلندرہوگاراناثنااللہ کوعمران خان چارپائی کےنیچےنظرآرہاہےاپنی چارپائی کے نیچےڈانگ پھیر لےوقت تھوڑا ہے اور مقابلہ سخت
— Sheikh Rashid Ahmed (@ShkhRasheed) March 15, 2023
سابق وزیر داخلہ کا کہنا تھا کہ کیا لاہور میں پولیس نہیں جو ہر روز اسلام آباد سے زمان پارک پولیس بھیجی جاتی ہے، حالات اتنے خراب ہوگئے ہیں کہ زلمے خلیل زاد ہی نہیں بولے ، بلکہ امریکی خصوصی ایلچی مونیکا مدینا آج 3دن کے لئے پاکستان پہنچ رہی ہیں۔
شیخ رشید نے مزید کہا کہ آئی ایم ایف نے 7کے بجائے6ارب ڈالر بیرونی فنانسنگ پر اتفاق تو کیا ہے لیکن ملکی حالات کسی اور طرف جارہے ہیں۔
