اسلام آباد: (دنیا نیوز) وزیراعظم عمران خان نے نادرا کی پاک آئی ڈی موبائل ایپ کا افتتاح کرتے ہوئے اسے ایک انقلابی قدم قرار دیا ہے۔
ایک ٹویٹ میں وزیراعظم نے کہا کہ موبائل ایپ خاص طور پر بیرون ملک مقیم پاکستانیوں کو سہولت فراہم کرنے میں ایک انقلابی قدم ہے۔ درخواست گزار اب موبائل فون کا استعمال کرتے ہوئے فنگر پرنٹ، تصویر اور دستاویزات حاصل کر سکتے ہیں۔ وزیراعظم نے لکھا کہ طارق ملک اور نادرا ٹیم کی طرف سے زبردست اقدام ہے۔
Inaugurated PAK-ID Mobile App by #NADRA. A revolutionary step in providing convenience, especially to Overseas Pakistanis. Applicants of https://t.co/utri3ua8J4 can now capture fingerprints, photograph and documents using mobile phone. Great initiative by Tariq Malik & NADRA team pic.twitter.com/kEZN9ODuaH
— Imran Khan (@ImranKhanPTI) August 31, 2021
دوسری طرف چیئرمین نادرا طارق ملک کا کہنا تھا کہ جدید ترین ٹیکنالوجی کی بدولت شناختی کارڈ بنوانے پر موبائل پر لائیو بائیومیٹرک کے حصول کے ساتھ ساتھ تصدیق بھی ہو سکے گی۔
طارق ملک کا کہنا تھا کہ موبائل کے ذریعے انگلیوں کے نشان کے حصول کی سہولت ایک نئے دور کا آغاز ہے جو معیشت کے کئی شعبوں میں انقلاب برپا کر سکتی ہے۔
