اسلام آباد: (دنیا نیوز) وزیراعظم عمران خان نے ملک میں بین الاقوامی کرکٹ بحالی اور پہلے ریجنل ڈومیسٹک کرکٹ سٹرکچر کی تیاری کیلئے احسان مانی کی خدمات کو سراہا ہے۔
سماجی رابطوں کی ویب سائٹ پر جاری اپنے ایک بیان میں وزیراعظم عمران خان نے احسان مانی کی بطور چیئرمین پاکستان کرکٹ بورڈ خدمات کو سراہا اور کہا کہ احسان مانی نے بطور چیئرمین پی سی بی تین برسوں کے دوران ملک کے اندر پہلی مرتبہ ریجنل ڈومیسٹک کرکٹ کے سٹرکچر متعارف کرایا، پاکستان میں بین الاقوامی کرکٹ کی واپسی کیلئے بھی احسان مانی کی خدمات لائق تحسین ہیں۔
Want to thank Ehsan Mani for his contribution to cricket in Pak during his 3 yr tenure as Chairman PCB. I especially appreciate his setting up, for the first time, a regional domestic cricket structure in Pak & his role in bringing back international cricket teams to Pakistan.
— Imran Khan (@ImranKhanPTI) August 28, 2021
وزیراعظم عمران خان کا کہنا ہے کہ پنجاب میں سکول کرکٹ کی بحالی کے لئے صوبائی حکومت کے اقدامات دیکھ کر خوشی ہوئی، خاص طور پر سینٹرل پنجاب کرکٹ ایسوسی ایشن کے اقدامات قابل ستائش ہیں، پنجاب میں 870 سکولز اور 231 کالجز کے گراؤنڈز کے ساتھ ساتھ 355 کھیلوں کی سہولیات تیار کی گئی۔
Pleased to review efforts of Punjab for revival of school cricket, esp role of Cent Punjab Cricket Assoc. 870 schools & 231 college grounds, 355 sports facilities developed across Punjab. I urge all provinces to focus on reviving sports & providing sports facilities for our youth
— Imran Khan (@ImranKhanPTI) August 28, 2021
عمران خان نے تمام صوبوں پر زور دیا ہے کہ کھیلوں کی بحالی اور نوجوانوں کو کھیلوں کی سہولیات فراہمی پر توجہ مرکوز کریں۔
