لاہور: (دنیا نیوز) مسلم لیگ (ن) کی نائب صدر مریم نواز شریف نے ٹرین حادثے پر افسوس کا اظہار کرتے ہوئے کہا ہے کہ تین سال میں آٹھ بڑے حادثات کے بعد بھی حکومت اپنی مجرمانہ غفلت اور نااہلی قبول کرنے کو تیار نہیں ہے۔
مریم نواز شریف نے سماجی رابطوں کی ویب سائٹ ٹویٹر پر جاری اپنے بیان میں کہا کہ کیسے ظالم اور بے حس لوگ پاکستان پر مسلط ہیں۔ جتنے لوگوں نے اپنے پیاروں کو ان حادثات میں کھویا، ان کی دعائیں اور نیک تمنائیں ان کے ساتھ ہیں، دعا ہے اللّہ تعالیٰ سب کی مغفرت فرمائے۔
کیسے ظالم اور بےحس لوگ پاکستان پر مسلط ہیں جو تین سال میں آٹھ بڑے ٹرین حادثات کے بعد بھی اپنی مجرمانہ غفلت اور نااہلی قبول کرنے کو تیار نہیں؟ جتنے لوگوں نے اپنے پیاروں کو ان حادثات میں کھویا میری دعائیں اور نیک تمنائیں ان کے ساتھ ہیں، اللّہ تعالیٰ سب کی مغفرت فرمائے۔ آمین
— Maryam Nawaz Sharif (@MaryamNSharif) June 7, 2021
خیال رہے کہ ڈہرکی کے قریب ٹرینوں کے حادثے میں جاں بحق مسافروں کی تعداد 43 ہو چکی ہے جبکہ درجنوں زخمی ہیں۔ امدادی کارروائیوں کا سلسلہ جاری ہے۔ پاک فوج اور رینجرز کے جوان لوگوں کی مدد کرنے میں پیش پیش ہیں جبکہ آرمی ہیلی کاپٹرز بھی ریسکیو آپریشن میں شریک ہیں۔
