اسلام آباد: (دنیا نیوز) چین پاکستان اقتصادی راہداری اتھارٹی کے چیئرمین عاصم سلیم باجوہ نے کہا ہے کہ ایسٹ بے ایکسپریس وے گوادر منصوبے پر کام حتمی مرحلے میں ہے اور یہ منصوبہ اس سال اکتوبر تک مکمل کر لیا جائیگا۔
ایک ٹویٹ میں انہوں نے کہا کہ چودہ اعشاریہ پانچ کلومیٹر ساحلی ایکسپریس وے پہلے ہی مکمل کر لی گئی ہے جبکہ باقی چار اعشاریہ پانچ کلومیٹر ساحلی شاہراہ زیر تعمیر ہے اوراس کا 92 فیصد کام مکمل کر لیا گیا ہے۔
#CPEC: Eastbay Expressway Gwadar: 19km (14.5 offshore completed & 4.5 onshore under construction.
— Asim Saleem Bajwa (@AsimSBajwa) May 2, 2021
2000 direct jobs. Progress-92%.
Completion Oct 2021.#CPECMakingProgress #PakistanMovingForward pic.twitter.com/BB7pXOtL0O
چین پاکستان اقتصادی راہداری اتھارٹی کے چیئرمین نے کہا کہ یہ ایکسپریس وے بندرگاہ کو فری ٹریڈ زون کے دوسرے مرحلے کے ساتھ ملائے گی جس سے صنعتی زون اور بندرگاہ کو کاروباری ماحول فراہم کرنے میں مدد ملے گی۔
