اسلام آباد: (دنیا نیوز) پاکستان نے ایک بار پھر جذبہ خیرسگالی کا اظہار کر دیا۔ بھارتی میڈیا کو واہگہ بارڈر پر کرتارپور راہداری اجلاس کی کوریج کی دعوت دے دی۔
ترجمان دفتر خارجہ کا کہنا ہے بھارتی میڈیا کو اجلاس کی کوریج کیلئے خوش آمدید کہتے ہیں، اجلاس 2 اپریل کو ہوگا، بھارتی صحافی ویزا درخواست جمع کرا سکتے ہیں۔
#Pakistan welcomes Indian media for the #KartarpurCorridor meeting at Wagah on 2 April 2019. They may apply to Pakistan High Commission, New Delhi for visas #PakKartarpurSpirit
— Dr Mohammad Faisal (@ForeignOfficePk) March 29, 2019
یاد رہے اس سے قبل کرتا رپور راہداری کے معاملے پر بھارت نے غیر سنجیدگی کا مظاہرہ کرتے ہوئے پاکستانی صحافیوں کو کرتار پور راہداری مذاکرات کی اٹاری میں کوریج سے روک دیا تھا۔
ڈاکٹر محمد فیصل کا کہنا تھا بھارت نے کوریج کیلئے صحافیوں کو ویزے دینے سے انکار کر دیا، کرتار پور راہداری سنگ بنیاد کی تقریب کیلئے 30 بھارتی صحافیوں کو ویزے دیئے تھے، 30 بھارتی صحافیوں نے تقریب کی کوریج کی۔
