اسلام آباد: (دنیا نیوز) وزیراعظم عمران خان نے ملک بھر میں جاری بارشوں پر اظہار تشکر کرتے ہوئے کہا ہے کہ باران رحمت ہماری معیشت کے لئے بہت مفید ہیں۔
وزیراعظم عمران خان نے سماجی رابطوں کی ویب سائٹ ٹویٹر کے ذریعے پیغام میں لکھا کہ بارشوں سے زیر زمین پانی کی سطح بلند اور مسلسل بارشوں سے ماحولیاتی آلودگی میں کمی واقع ہوگی۔
موسمِ سرما میں بارش کی جاری جھڑی پر ہمیں اللہ رب العزت کا شکر ادا کرنا چاہئیے۔ فضائی آلودگی کے تدارک اور سطحِ برف و آب (گلیشیئرز) میں اضافے کے علاوہ ان بارشوں سے ملکی معیشت کو اربوں کا فائدہ پہنچے گا۔ اس سال ہمیں اناج کی فراوانی (Bumper Wheat) بھی میسر آئے گی، انشاءاللہ۔
— Imran Khan (@ImranKhanPTI) February 14, 2019
وزیراعظم عمران خان نے اپنے ٹویٹ میں لکھا کہ رواں سال انشا اللہ ملک میں گندم کی ریکارڈ پیداوار ہو گی۔ ہمیں سردیوں کی مسلسل بارشوں پر اللہ تعالیٰ کا شکر گزار ہونا چاہیے۔ یہ بارشیں ہماری معیشت کے لئے بہت مفید اور اہم ہیں۔
