اسلام آباد: (دنیا نیوز) نیا پاکستان ہاؤسنگ پروگرام کے تحت فارم ملنے کا آغاز ہو گیا، قیمت 250 روپے مقرر کر دی گئی ہے، ابتدائی طور پر 7 اضلاع فیصل آباد، سکھر، کوئٹہ، ڈیرہ اسماعیل خان، اسلام آباد، گلگت اور مظفر آباد میں پائلٹ پراجیکٹ آج سے شروع ہو گا۔
نیا پاکستان ہاؤسنگ پروگرام کے تحت 60 دنوں میں رجسٹریشن کا عمل مکمل ہو گا۔ فارم 12 اکتوبر 2018 سے 21 دسمبر 2018 تک مختص کردہ ضلعی ہاؤسنگ پروگرام آفس میں بمعہ 250 روپے رجسٹریشن فیس کے جمع کرائے جا سکتے ہیں۔ وزیراعظم عمران خان نے ٹویٹ کرتے ہوئے کہا ہے کہ کم آمدنی والے افراد کو سستے گھر فراہم کریں گے۔
We have launched our most ambitious, landmark housing policy of building 5mn homes in 5 yrs. InshaAllah this will provide affordable houses for our less privileged strata of society, plus 6mn jobs, create demand in 40 industries directly involved in house building & attract FDI.
— Imran Khan (@ImranKhanPTI) October 11, 2018
ادھر وزیراعظم عمران خان نے نیا پاکستان ہاؤسنگ منصوبے کیلئے بلا تاخیر اقدامات شر وع کرنے کی ہدایت کر دی، پنجاب حکومت نے منصوبے پر عملدرآمد کے لئے کل لاہور میں اجلاس طلب کرلیا۔
نیا پاکستان ہاوسنگ پروگرام کیلئے رجسٹریشن فارم کی کاپی:
آپ رجسٹریشن فارم یہاں سے ڈاون لوڈ کرسکتے ہیں: https://www.nadra.gov.pk/nphp
