راولپنڈی: (دنیا نیوز) آرمی چیف جنرل قمر جاوید باجوہ کی سربراہی میں کور کمانڈرز کانفرنس ہوئی، کانفرنس میں خطے کی سکیورٹی، امن اور ملک کی اندرونی سکیورٹی کاجائزہ لیا گیا، آرمی چیف نے الیکشن میں پاک فوج کی خدمات کو سراہا۔
آئی ایس پی آر کے مطابق، کور کمانڈر کانفرنس میں قومی فرائض کی انجام دہی میں مسلح افواج سےتعاون پرعوام سے اظہار تشکر کیا گیا، الیکشن کمیشن کی مدد پر آرمی الیکشن سپورٹ سینٹر، فیلڈ فارمیشنز کی کارکردگی کو بھی سراہا گیا، الیکشن کے دوران شہید و زخمی اہلکاروں کو خراج تحسین پیش کیا گیا۔
CCC. Forum appreciated Army Elections Sp Cen & field formations for assisting ECP for conduct of Elections. Paid tribute to martyrs & injured who sacrificed their blood during the process. Thanked brave people of Pakistan for their participation and support for the Armed Forces. pic.twitter.com/S16jutrTxw
— Maj Gen Asif Ghafoor (@OfficialDGISPR) August 1, 2018
آئی ایس پی آر کے مطابق کور کمانڈرز کانفرنس کے شرکا نے انتخابی عمل میں حصہ لینے پر بہادر عوام کا شکریہ ادا کیا، افغانستان کیساتھ فوج کی سطح پر تعاون پر اطمینان کا اظہار کیا گیا۔ آرمی چیف نے ہدایت کی دہشتگردی کیخلاف کامیابیوں کو مزید تقویت دی جائے، خطےمیں امن کیلئے ایکشن پلان کے تحت پاک افغان تعاون جاری ہے۔
