لاہور: (ویب ڈیسک) سیلاب متاثرین کی مدد کے لئے برطانوی امداد کے آٹے تھیلے کی دکانوں پر فروخت کی تصویر جعلی نکلی۔
خیال رہے گزشتہ کچھ روز سے سوشل میڈیا پر ایک تصویر وائرل ہورہی ہے جس میں یو کے ایڈ کا تھیلا کسی دکان پر رکھا ہوا ہے جس پر لکھا ہے کہ ناٹ فار سیل۔
اس تھیلے کی تصویر کو لیکر تنقید کی جارہی ہے کہ سندھ حکومت سیلاب متاثرین کی مدد کا سامان فروخت کررہی ہے۔
وزیر اعلیٰ سندھ ہاؤس کے ٹوئٹر اکاؤنٹ کی جانب سے اس تھیلے کی تصویر کو جعلی قرار دیتے ہوئے لکھا گیا کہ سوشل میڈٰیا پر یہ ایک من گھڑت پوسٹ ہے جو گردش کر رہی ہے، برطانیہ اس پروگرام میں شریک نہیں ہے اور اس نے گندم کا آٹا فراہم نہیں کیا ہے۔
This is a fabricated social media post that has been circulating.
— Sindh Chief Minister House (@SindhCMHouse) September 11, 2022
The #UK is not a partner in this programme & has not provided wheat flour.
Politically motivated propaganda is being spread to undermine, discredit relief work & to divert attention from the genuine service. https://t.co/dE2kMoMahY
ٹوئٹ میں مزید لکھا گیا کہ امدادی کاموں کو کمزور کرنے، بدنام کرنے اور حقیقی خدمات سے توجہ ہٹانے کے لیے سیاسی طور پر پروپیگنڈا کیا جارہا ہے۔
