لاہور: (ویب ڈیسک) کرونا وائرس جیسے موذی مرض کے بارے میں جعلی خبروں اور غلط معلومات کو روکنے کیلئے سوشل میڈیا کمپنیوں نے کریک ڈاؤن شروع کر دیا ہے۔
فیس بک حکام کی جانب سے کہا گیا ہے کہ اس نے ایسی تمام جعلی پوسٹوں کو ہٹانا شروع کر دیا ہے جس میں لوگوں کو خطرناک مشورے دیے گئے ہیں۔
خیال رہے کہ فیس بک پر ایسی پوسٹس بھی سامنے آئی ہیں جن میں کرونا وائرس سے بچنے کیلئے کیمیکل (بلیچ) پینے کے مشورے بھی دیئے گئے ہیں۔
فیس بک انتظامیہ نے فیصلہ کیا ہے کہ ایسے حساس معاملے پر اب انتہائی چھان پھٹک کے بعد ایسی پوسٹس کو ہی جگہ دی جائے گی جو گلوبل اور مقامی صحت انتظامیہ کی جانب سے جاری ہونگی۔
دریں اثناء سوشل میڈیا کی ایک اور مشہور سائٹ ٹویٹر نے اپنے صارفین کو کرونا وائرس کے حوالے سے درست معلومات کیلئے رہنمائی کرنے کا فیصلہ کیا ہے۔
We re working to make sure you get the latest, accurate information on #coronavirus.
— Department of Health and Social Care (@DHSCgovuk) January 30, 2020
That s why we ve partnered with @TwitterUK to highlight our guidance at the top of coronavirus-related search terms.
For all the latest information, visit:
https://t.co/VdU3Lzcrhl pic.twitter.com/GPjJjePYQ7
ٹویٹر حکام کی جانب سے کہا گیا ہے کہ یہ اقدام اس لیے اٹھایا گیا ہے تاکہ صارفین کرونا وائرس جیسے حساس معاملے پر ذمہ داری کا مظاہرہ کریں اور غلط معلومات آگے پھیلانے کا باعث نہ بنیں۔ اس کیلئے ٹویٹر پر ایک ٹول متعارف کرا دیا ہے۔
