ممبئی: (ویب ڈیسک) بھارتی فلم سٹار اکشے کمار نے سکیورٹی حصار توڑ کر ملنے آنے والے مداح کو گلے لگا لیا۔
ممبئی میں ایک تقریب میں شرکت کیلئے جاتے ہوئے بالی ووڈ سٹار اکشے کمار کے ایک مداح نے رکاوٹیں عبور کر کے ان سے ملنے کی کوشش کی تاہم سکیورٹی اہلکاروں نے فوری طور پر نوجوان فین کو جھٹکے سے زمین پر گرا دیا۔
اکشے کمار نے فوری طور پر سکیورٹی اہلکاروں کو نوجوان پر ہاتھ اٹھانے سے منع کرتے ہوئے نوجوان مداح کو اٹھا کر گلے لگایا۔
سوشل میڈیا پر گردش کرتی واقعے کی ویڈیو میں دیکھا جا سکتا ہے کہ بالی ووڈ سٹار نے گلے لگانے کے بعد مداح سے کچھ بات کی جس پر نوجوان مداح نے خوش ہوتے ہوئے اپنا سر ہلایا۔
بعد ازاں اکشے کمار آگے بڑھ گئے اور وہاں موجود اپنے دیگر پرستاروں سے ہاتھ ملاتے ہوئے عمارت کے اندر داخل ہو گئے۔
