نئی دہلی:(ویب ڈیسک)بھارتی وزیر نے انوکھی خواہش کا اظہار کرتے ہوئے کہا ہے کہ سڑکوں کو کترینہ کیف کے گالوں کی طرح ہموار بنایا جائے۔
بھارتی میڈیا رپورٹس کے مطابق سماجی رابطے کی ویب سائٹ ٹوئٹر پر بھارتی ریاست راجستھان کے وزیر راجیندرا سنگھ گودھا کی ایک ویڈیو شیئر کی گئی ہے جو کہ تیزی کے ساتھ وائرل ہورہی ہے۔
انڈین نیوز ایجنسی کی جانب سے شیئر کردہ ویڈیو میں دیکھا جاسکتا ہے کہ وزیر راجیندرا سنگھ عوام سے خطاب کررہے ہیں جس دوران لوگوں نے ان سے مطالبہ کیا کہ ہمارے علاقے کی سڑکیں جلد از جلد ٹھیک ہونی چاہئیں۔
#WATCH | Roads should be made like Katrina Kaif s cheeks, said Rajasthan Minister Rajendra Singh Gudha while addressing a public gathering in Jhunjhunu district (23.11) pic.twitter.com/87JfD5cJxV
— ANI (@ANI) November 24, 2021
بھارتی وزیر نے لوگوں کے اس مطالبے پر محکمہ تعمیرات کے چیف انجینئر کو کہا کہ سڑکیں کترینہ کیف کے گالوں کی طرح ہموار اور ملائم بننی چاہئیں۔
واضح رہے کہ یہ پہلا موقع نہیں جب اداکاراؤں کے گالوں کی مثال سڑکوں کیلئے دی گئی ہو،قبل ازیں 2005 میں سابق بھارتی وزیر لالو پرساد یادیو نے بھی کہا تھا کہ بہار کی سڑکیں اداکارہ ہیما مالنی کے گالوں کی طرح بنائی جائیں۔
راجیندرا سنگھ کی جانب سے کہے گئے اس جملے کو وہاں پر موجود لوگوں نے کافی محظوظ کیاجبکہ یہ ویڈیو سوشل میڈیا پر بھی تیزی کے ساتھ وائرل ہورہی ہے۔
