کراچی: (دنیا نیوز) کراچی اورنگی ٹاؤن کے علاقے گلشن ضیا میں فائرنگ کرکے پیپلزپارٹی کے یو سی چیئرمین کو قتل کر دیا گیا۔
پولیس حکام کے مطابق مقتول کی شناخت عامر بھٹو کے نام سے ہوئی، وزیر بلدیات سندھ سعید غنی نے واقعہ ٹارگٹ کلنگ قرار دیدیا، میڈیا سے گفتگو میں کہا عامر بھٹو ہمارے فعال کارکن اور ورکر تھے، حملہ آور ان کے دفتر آئے اور بات چیت کے بعد فائرنگ کرکے قتل کیا۔
سعید غنی کا مزید کہنا تھا کہ حکومت میں رہتے ہوئے ہمارے لئے یہ واقعات باعث تشویش ہیں، پولیس کی تفتیش پر کوئی بات نہیں کرنا چاہتے، امید کرتے ہیں جلد ملزمان قانون کی گرفت میں ہوں گے۔
