اوکاڑہ: (دنیا نیوز) اوکاڑہ میں مبینہ پولیس مقابلے میں 3 ڈاکو ہلاک جبکہ 3 فرار ہونے میں کامیاب ہوگئے۔
پولیس مقابلہ دایارم پل کے قریب ہوا، پولیس اہلکار ناکے پر موجود تھے، ڈاکوؤں کو روکنے کی کوشش کی تو ڈاکوؤں نے اندھا دھند پولیس اہلکاروں پر فائرنگ شروع کردی، فائرنگ کا تبادلہ کافی دیر تک جاری رہا۔
پولیس حکام نے بتایا کہ تینوں ملزم اپنے ہی ساتھیوں کی فائرنگ سے ہلاک ہوگئے، ڈاکوؤں کے قبضے سے نقدی اور اسلحہ برآمد کر لیا، مارے جانے والے ڈاکو سنگین وارداتوں میں ملوث تھے۔
پولیس حکام کے مطابق فرار ہونے والے ڈاکوؤں کو پکڑنے کیلئے ٹیمیں تشکیل دی گئی ہیں، ڈاکوؤں کے خلاف مزید تحقیقات بھی شروع کردی گئی ہے۔
