لاہور: (دنیا نیوز) پنجاب پولیس کے انٹیلی جنس بیسڈ سرچ اور سویپ اینڈ کومبنگ آپریشنز جاری رہے۔
ترجمان پنجاب پولیس کے مطابق گزشتہ 24 گھنٹے کے دوران 08 سرچ اینڈ سویپ آپریشنز کئے گئے، 498 افراد سے پوچھ گچھ کی گئی، 04 مشتبہ افراد کو گرفتار کر لیا گیا، 371 کومبنگ آپریشنز، 12235 مشتبہ افراد کی چیکنگ، 42 مشکوک افراد حراست میں لئے گئے۔
پنجاب پولیس کے ترجمان نے مزید بتایا کہ سرچ آپریشنز، چیکنگ کے دوران سنگین جرائم میں ملوث 226 اشتہاری، 88 عدالتی مفرور، 48 عادی مجرم گرفتار کئے گئے، جرائم پیشہ و مشتبہ افراد کے قبضہ سے بڑی تعداد میں ناجائز اسلحہ اور گولیاں برآمد کر لی گئیں۔
ترجمان پنجاب پولیس کے مطابق جرائم پیشہ افراد کے خلاف کارروائی کے دوران 02 مجرم کیفرکردار کو پہنچے، 03 زخمی حالت میں گرفتار کئے گئے، دہشت گردوں، جرائم پیشہ عناصر کی سرکوبی کے لئے پنجاب پولیس کی فرضی مشقیں بھی جاری ہیں۔
آئی جی پنجاب نے بتایا کہ فرضی مشقوں میں پنجاب پولیس، سی ٹی ڈی، سپیشل برانچ، ایلیٹ فورس، ریسکیو 1122، قانون نافذ کرنے والے اداروں کی ٹیمیں حصہ لے رہی ہیں۔
