کراچی: (دنیا نیوز) اینٹی نارکوٹکس فورس (اے این ایف) نے 55 کلو سے زائد منشیات برآمد کر کے 9 ملزمان گرفتار کر لئے۔
ترجمان اے این ایف کے مطابق کارروائیاں مانسہرہ، اسلام آباد، راولپنڈی، اٹک، لاہور اور پشاور میں کی گئیں۔
حکام کے مطابق 10 مختلف کارروائیوں میں9 ملزمان سے 55.638 کلو گرام منشیات پکڑی گئی، برآمد ہونے والی منشیات میں 44 کلو 511 گرام چرس، 9 کلو 106 گرام آئس، 1.690 کلو گرام ویڈ شامل ہے۔
ترجمان کا کہنا ہے کہ گرفتار ملزمان نے تعلیمی اداروں کے طلباء کو منشیات فروخت کرنے کا اعتراف کیا ہے، ملزمان کیخلاف انسداد منشیات ایکٹ کے تحت مقدمات درج کر لئے گئے ہیں۔
