پھولنگر: (دنیا نیوز) پھولنگر اور قصور میں پولیس نے کارروائیاں کر کے 2 زخمیوں سمیت 6 ملزموں کو گرفتار کر لیا ہے۔
پھولنگر میں پولیس نے خفیہ اطلاع پر چھاپہ مار کر ناجی ڈکیت گینگ کے 4 خطرناک ارکان کو حراست میں لے لیا، ملزموں سے لاکھوں روپے نقدی، ناجائز اسلحہ اور موبائل فونز بھی برآمد ہوئے ہیں، گرفتار ملزم سنگین نوعیت کی مختلف وارداتوں میں ملوث تھے۔
دوسری جانب قصور کے علاقے تھانہ گنڈاسنگھ کی حدود میں مبینہ پولیس مقابلہ ہوا اس دوران 2 ڈاکو زخمی حالت میں گرفتار کر لیے گئے، دونوں ڈاکو درجن سے زائد سنگین وارداتوں میں مطلوب تھے، پولیس نے تھانے منتقل کر کے مزید تفتیش شروع کر دی ہے۔
