لاہور: (دنیانیوز) صوبائی دارالحکومت لاہورسمیت پنجاب بھر میں خواتین کیخلاف جرائم میں تشویش ناک حد تک اضافہ ریکارڈ کیا گیا ہے ۔
پنجاب میں خواتین غیر محفوظ ہوگئیں، رواں سال کے پہلے چار ماہ میں پنجاب بھر میں 5ہزار پانچ سو 51 خواتین کو اغوا کیا گیا، سب سے زیادہ 1 ہزار427 خواتین لاہور سے اغوا ہوئیں۔
رپورٹ کے مطابق گزشتہ چار ماہ کے دوران 1 ہزار 111 خواتین کو اجتماعی زیادتی کا نشانہ بنایا گیا، خواتین سے زیادتی کے سب سے زیادہ واقعات بھی لاہور میں ہی پیش آئے۔
پولیس ریکارڈ کے مطابق لاہور میں 139 خواتین سے زیادتی ہوئی،53 خواتین کو مختلف واقعات میں موت کے گھاٹ اتار دیا گیا جبکہ 613 خواتین انسانی سمگلنگ کا شکار ہوئیں۔
پولیس کے مطابق خواتین کیخلاف جرائم کے واقعات کے مقدمات درج کرکے بیشتر ملزمان کو گرفتار کیا گیا ہے۔
