احمد آباد: (دنیا نیوز) آئی سی سی کرکٹ ون ڈے ورلڈکپ کا سب سے بڑا میلہ بھارت میں سج گیا ، افتتاحی میچ میں نیوزی لینڈ نے دفاعی چیمپئن انگلینڈ کو 9 وکٹوں سے شکست دیدی۔
بھارت کے شہر احمد آباد کے نریندر مودی سٹیڈیم میں ہونیوالے ورلڈکپ کے افتتاحی میچ میں نیوزی لینڈ کے کپتان ٹام لیتھم نے ٹاس جیت کر پہلے فیلڈنگ کا فیصلہ کیا، انگلینڈ نے پہلے بیٹنگ کرتے ہوئے مقررہ 50 اوورز میں 9 وکٹوں کے نقصان پر 282 رنز بنائے۔
— BLACKCAPS (@BLACKCAPS) October 5, 2023
انگلینڈ کو پہلا نقصان ڈیوڈ ملان کی صورت میں اٹھانا پڑا جنہیں 14 رنز پر میٹ ہینری نے پویلین لوٹایا، بعدازاں جونی بیرسٹو 33، ہیری بروک 25، معین علی 11 اور کپتان جوز بٹلر 43 ، لیام لیونگسٹون 20 ، جوروٹ 77 ، کرس ووکس 11، سیم کرن 14رنز بناکر آؤٹ ہوئے۔
نیوزی لینڈ کی جانب سے میٹ ہنری نے 3، مچل سینٹنر اور گلین فلپس نے 2، 2 جبکہ ٹرینٹ بولٹ اور راچن رویندرا نے ایک ایک وکٹ حاصل کی۔
— ICC Cricket World Cup (@cricketworldcup) October 5, 2023
283 رنز کے ہدف کے تعاقب میں نیوزی لینڈ کی جانب سے ڈیون کونوے اور ول ینگ نے اننگز کا آغاز کیا تاہم مجموعی 10 رنز پر ول ینگ بغیر کوئی رن سکور کیے آؤٹ ہوگئے، ڈیون کونوے اور راچن رویندرا نے ذمہ دارانہ بیٹنگ کا مظاہرہ کرتے ہوئے سنچریاں سکور کیں، کونوے 152 جبکہ رویندرا 123 رنز کیساتھ ناقابل شکست رہے۔
— ICC Cricket World Cup (@cricketworldcup) October 5, 2023
قبل ازیں ٹاس کے موقع پر نیوزی لینڈ کرکٹ ٹیم کے کپتان ٹام لیتھم نے کہا کہ وارم اپ میچ کے بعد اچھی تیاری کی ہے، کین ولیمسن صحت یاب ہو رہے ہیں، وہ ایونٹ کے اگلے میچز میں دستیاب ہوں گے۔
نیوزی لینڈ سکواڈ
— BLACKCAPS (@BLACKCAPS) October 5, 2023
اس موقع پر انگلینڈ کرکٹ ٹیم کے کپتان جوز بٹلر نے کہا کہ ٹاس جیتتے تو ہم بھی پہلے باؤلنگ ہی کرتے، بین سٹوکس انجری کی وجہ سے آج کا میچ نہیں کھیلیں گے۔
— ICC (@ICC) October 5, 2023
انگلش ٹیم
— England Cricket (@englandcricket) October 5, 2023
