کراچی: (دنیا نیوز) آخری ون ڈے میچ میں نیوزی لینڈ نے پاکستان کو 47 رنز سے شکست دے دی, پاکستان نے سیریز چار ایک سے اپنے نام کرلی۔
پانچ ون ڈے میچز کی سیریز کے آخری میچ میں نیوزی لینڈ نے پاکستان کیخلاف ٹاس جیت کر پہلے بیٹنگ کا فیصلہ کیا اور 299 رنز بنا کر آخری اوور پوری ٹیم آؤٹ ہوگئی۔
— Pakistan Cricket (@TheRealPCB) May 7, 2023
300 رنز کے ہدف کے تعاقب میں افتخار احمد کی 94 رنز کی ناقابل شکست اننگز بھی کام نہ آئی اور پاکستان کی پوری ٹیم 47 ویں اوورز میں 252 رنز بنا کر آؤٹ ہوگئی۔
— Pakistan Cricket (@TheRealPCB) May 7, 2023
پاکستان کی جانب سے اننگز کا آغاز بدترین رہا،شان مسعود 7، کپتان بابر اعظم ایک رن بنا کر پویلین لوٹ گئے، محمد رضوان 9 ، فخر زمان 33 رنز بنا کر آؤٹ ہوگئے جبکہ آغا سلمان57، شاداب خان 14 ، اسامہ میر 20،محمد وسیم 6 رنز جبکہ شاہین شاہ آفریدی بغیر کوئی سکور کیے پویلین لوٹ گئے۔
— Pakistan Cricket (@TheRealPCB) May 7, 2023
قبل ازیں نیوزی لینڈ کی جانب سے ول ینگ 87 ، ٹام لیتھم 59 رنز بنا کر نمایاں رہے، مارک چیپ مین 43، میک کونچی 26 ، ہینری نکلس 23 اور ٹام بلنڈل 15 رنز بنا سکے۔
— BLACKCAPS (@BLACKCAPS) May 7, 2023
پاکستان کے شاہین شاہ آفریدی نے 3، شاداب خان اور اسامہ میر نے 2،2 جبکہ محمد وسیم اور حارث رؤف نے ایک ایک وکٹ حاصل کی جبکہ ایک کھلاڑی رن آؤٹ ہوا۔
واضح رہے کہ پانچ ون ڈے انٹرنیشنل میچوں کی سیریز کے 4 میچ پاکستان جیت کر پہلے ہی سیریز اپنے نام کرچکا ہے۔
