لاہور: (ویب ڈیسک) کیویز کیخلاف کامیابی اور ون ڈے کی نمبر ون ٹیم بننے پر شاہد آفریدی نے قومی ٹیم کے لیے خصوصی پیغام جاری کر دیا۔
نیوزی لینڈ کے خلاف چوتھے ایک روزہ میچ میں فتح کے بعد پاکستان کرکٹ ٹیم نے آئی سی سی ون ڈے رینکنگ میں پہلی پوزیشن حاصل کر لی ہے۔
کیویز کیخلاف جیت کے ساتھ ہی 2005 میں آئی سی سی رینکنگز کے باضابطہ اجراء کے بعد پاکستان پہلی مرتبہ آئی سی سی ون ڈے رینکنگ میں پہلی پوزیشن پر آیا۔
کیویز کے خلاف سیریز کے چوتھے میچ میں بھی کامیابی اور ون ڈے کی نمبر ون ٹیم بننے پر پاکستان کرکٹ ٹیم کے سابق کپتان شاہد آفریدی نے خصوصی پیغام جاری کیا۔
شاہد آفریدی نے سوشل میڈیا پر پیغام جاری کرتے ہوئے کہا کہ 102 رنز سے کامیابی اور ون ڈے کی نمبر ون ٹیم بننا شاندار ہے، شاباش لڑکو ، انہوں نے بابر اعظم کے ون ڈے میں 5 ہزار رنز مکمل ہونے اور میچ میں سنچری بنانے پر انہیں مبارک باد بھی دی اور اسامہ میر اور وسیم جونیئر کی باؤلنگ کی بھی تعریف کی۔
World no 1 rank and a win by 102 runs, just wow! Well done boys on dominating a world class team! @babarazam258 congrats on 5K runs and 100 today again, and Agha Salman, Usama Mir and M Wasim showing how its done. Boys the whole nation is super proud, you have increased our…
— Shahid Afridi (@SAfridiOfficial) May 5, 2023
انہوں نے لکھا کہ لڑکوں پر پوری قوم کو بہت فخر ہے، آپ نے آنے والے ورلڈکپ میں ہماری امیدیں بڑھا دی ہیں۔
